कम्तीमा २४ हप्ता न्युजिल्याण्डमा पूर्णकालीन अध्ययन गरे ६ महिनाको वर्क भिसा पाइने

वेलिङ्टन । न्युजिल्याण्ड सरकारले अन्तर्राष्ट्रिय विद्यार्थीहरूका लागि काम भिसा प्रणालीमा महत्वपूर्ण परिवर्तन गर्ने घोषणा गरेको छ। नयाँ व्यवस्था अनुसार “Short-term Graduate Work Visa” नामक नयाँ भिसा ल्याइनेछ भने Post Study Work Visa (PSWV) को योग्यता पनि विस्तार गरिनेछ।

New Zealand मा अध्ययनपछि रोजगारीका अवसरलाई सहज बनाउन र देशको सीप आवश्यकतासँग स्नातकहरूको योग्यता मिलाउन यी परिवर्तनहरू गरिएको सरकारले जनाएको छ। यी नयाँ नियमहरू १६ नोभेम्बर २०२६ देखि लागू हुनेछन्।

नयाँ Short-term Graduate Work Visa

नयाँ भिसाअनुसार न्युजिल्याण्डमा अध्ययन पूरा गरेका योग्य अन्तर्राष्ट्रिय स्नातकहरूले ६ महिनासम्म खुला काम अधिकार पाउनेछन्। यस अवधिमा उनीहरूले रोजगार खोज्न वा Accredited Employer Work Visa मा रूपान्तरण गर्न सक्नेछन्।

तर यो भिसा एक पटक मात्र दिइनेछ र पुनः नवीकरण वा दोस्रो पटक लिन पाइने छैन।

प्रमुख सर्तहरू

• NZQCF स्तर ५–७ को योग्यता हुनुपर्ने
• कम्तीमा २४ हप्ता न्युजिल्याण्डमा पूर्णकालीन अध्ययन गरेको हुनुपर्ने
• कम्तीमा NZD $5,000 आर्थिक स्रोत देखाउनुपर्ने
• स्वास्थ्य परीक्षण आवश्यक हुने
• पहिले यो भिसा वा Post Study Work Visa नपाएको हुनुपर्ने

यो भिसामा व्यवसाय (business ownership) गर्न अनुमति दिइने छैन।

Post Study Work Visa मा विस्तार

नयाँ नियम अनुसार अब Graduate Diploma (NZQCF Level 7) पूरा गरेका र bachelor’s degree (न्युजिल्याण्ड वा विदेशबाट) भएका विद्यार्थीहरू पनि Post Study Work Visa का लागि योग्य हुनेछन्।

Immigration New Zealand का अनुसार, यो भिसा अध्ययन अवधिअनुसार अधिकतम १ वर्षसम्म प्रदान गरिनेछ।

उद्देश्य

सरकारका अनुसार यी परिवर्तनहरूको उद्देश्य:

• अन्तर्राष्ट्रिय स्नातकलाई न्युजिल्याण्डको श्रम बजारमा सहज प्रवेश दिनु
• उच्च सीप भएका विद्यार्थीलाई आकर्षित र टिकाइ राख्नु
• शिक्षा गुणस्तर र अन्तर्राष्ट्रिय प्रतिष्ठा कायम राख्नु

तर पहिले नै Post Study Work Visa लिएका व्यक्तिहरू पुनः योग्य हुने छैनन्।