नेपाली महिला फुटबलर सबित्रा ‘साम्बा’ खेलका क्रममा गम्भिर घाइते

नेपाली महिला फुटबलर सबित्रा ‘साम्बा’ भण्डारी फुटबल खेलको क्रममा गम्भीर घाइते हुनु भएको छ। शनिबार राति फोनिक्स राउन्ड ११ को ब्रिस्बेन रोरविरुद्धको खेलको दोस्रो हाफमा गोलकिपर क्लोइ लिंकेनले हावामा बल नियन्त्रण गर्ने क्रममा भण्डारीको दाहिने खुट्टामा कुल्चिन पुगेपछि चोट लागेको हो।

उहाँ घाइते भएपछि वेलिङ्टन फिनिक्सले अर्को महिला खेलाडी गुमाएको छ। क्लबले जनाएको छ कि भण्डारीको दाहिने घुँडाको एन्टेरियर क्रुशिएट लिगामेन्ट (ACL) पूर्ण रूपमा फुटेको पुष्टि भएको छ। यस चोटका कारण उहाँ बाँकी A-लीग सिजनमा खेल्न नसक्ने स्थिति सिर्जना भएको छ। चिकित्सकका अनुसार साम्बाले करिब ९–१२ महिना आराम गर्नुपर्नेछ।

साम्बा भण्डारीले यस सिजनको खेलमा मिडफिल्डर टेस्सेल मिडड्याग र एलिसा विनहमसँगै साइडलाइनमा स्थान पाउनुभयो। फिनिक्सकी हेड कोच बेभ प्रिस्टम्यानले साम्बाको अनुपस्थितिले टोलीमा गहिरो असर परेको बताउनुभयो। उहाँले भन्नुभयो, “मलाई थाहा छ टोलीले उनलाई गुमाएर अत्यन्तै दुःखी भएको छ, र मैले यो खबर दिनु पर्दा म पनि दुःखी भएँ। यस चोटले साम्बाको फ्यानमा मात्र होइन, सम्पूर्ण टोलीमा ठूलो प्रभाव पारेको छ।”

प्रिस्टम्यानले भण्डारीको लोकप्रियता र प्रभाव केवल खेलमैदानमा मात्र नभई टोलीभित्र पनि अत्यन्तै उच्च रहेको बताउनुभयो। “हामीले साम्बा जस्तो अविश्वसनीय व्यक्तित्वको खेलाडीलाई टोलीमा ल्याएका थियौँ। सम्भवतः उनी टोलीको सबैभन्दा लोकप्रिय खेलाडी हुन्। टोलीले उनलाई माया गर्छ र सम्मान गर्छ। जब कुनै खेलाडी सिजन समाप्त हुने चोटले प्रभावित हुन्छ, सबैभन्दा पहिले त्यो व्यक्तिको मनोबल र स्वास्थ्यप्रति चिन्ता हुन्छ,” उहाँले थप्नुभयो।

यस चोटले नेपाली महिला फुटबलको उज्ज्वल प्रतिभा भएको साम्बाको खेल यात्रा अस्थायी रूपमा रोकेको छ। फिनिक्सले आगामी महिनाहरूमा उनको उपचार र पुन:सुरु प्रक्रियामा ध्यान केन्द्रित गर्नेछ।फिनिक्समा साम्बाको अनुपस्थितिले टोलीलाई ठूलो चुनौती दिने भए पनि क्लबले आगामी महिनाहरूमा उनको उपचार, पुन: प्रशिक्षण र फिजिकल थेरापीमा ध्यान केन्द्रित गर्नेछ। कोच प्रिस्टम्यानले भन्नुभयो, “साम्बा हाम्रो टोलीको महत्वपूर्ण हिस्सा हुन्। हामी उनको छिट्टै स्वस्थ भएर मैदानमा फर्किने आशा राख्छौँ।”

साम्बाको चोटले नेपाली फुटबल फ्यान र खेलाडीहरूमा दुखी तुल्याएको छ तर, तर उनको नेतृत्व र प्रेरणाले महिला फुटबलमा दीर्घकालीन प्रभाव राख्ने विश्वास छ। Photo : https://www.instagram.com/p/DTDCmWPCrYl/