न्यूजील्याण्डको २०२५–२०२६ आर्थिक अवस्था

काठमाडौं/वेलिङ्टन — न्यूजील्याण्डको अर्थतन्त्र हाल मिश्रित अवस्थामा रहेको छ। जहाँ वृद्धि संकेत देखिन थालेको छ भने केही चुनौतीहरू अझै कायम छन्। अन्तर्राष्ट्रिय मुद्रा कोष (IMF) का अनुसार, २०२४ मा अर्थतन्त्रले केही संकुचनको सामना गरेको थियो। तर २०२५ मा अर्थतन्त्रमा १.४% वृद्धि हुनसक्ने अनुमान गरिएको छ भने २०२६ मा यो दर २.७% पुग्नसक्छ। वृद्धि मुख्यतया कम ब्याज दरले खर्च र लगानीलाई प्रोत्साहन दिने अपेक्षामा आधारित छ।

व्यापार संगठन Business NZ ले भने अर्थतन्त्र क्रमशः स्थिरतर्फ अघि बढिरहेको र २०२७ सम्म करिब ३% वृद्धि सम्भावना रहेको जनाएको छ। तर जनसंख्या वृद्धिका कारण सरकारी खर्चमा दबाब बढ्ने जस्ता संरचनागत चुनौतीहरू अझै बाँकी रहेको संगठनले जनाएको छ।

ब्याज दर र वित्तीय नीतिहरू
न्यूजील्याण्ड केन्द्रीय बैंकले Official Cash Rate लाई २.२५% मा घटाएको छ। यसले खर्च र लगानीलाई प्रोत्साहन दिने अपेक्षा राखिएको छ। महँगी दर लक्ष्यमा रहे पनि केही उद्योगमा वृद्धि अपेक्षाअनुसार कमजोर देखिएको छ।

काम र रोजगारी
बेरोजगारी दर केही समय स्थिर देखिए पनि काम गर्ने समय र रोजगारीको गुणस्तरमा कमजोरी देखिएको छ, जसले अर्थतन्त्रका गहिरा चुनौतीहरूलाई संकेत गर्दछ।

निर्यात, पर्यटन र शिक्षा
निर्यात र कृषि क्षेत्रले केही मजबुत प्रदर्शन देखाइरहेका छन्। त्यस्तै, अन्तर्राष्ट्रिय शिक्षा क्षेत्रले पनि अर्थतन्त्रमा महत्वपूर्ण योगदान पुर्‍याउँदै आएको छ, जसले करिब NZ$4.5 अर्बको आर्थिक फाइदा दिएको छ।

बाह्य सम्बन्ध र व्यापार सम्झौता
भारतसँग नयाँ मुक्त व्यापार सम्झौता (FTA) ले रोजगार सिर्जना, आय वृद्धि र निर्यातमा थप बृद्धि गर्ने अपेक्षा गरिएको छ। सरकारले यसलाई आर्थिक दृष्टिले ठूलो उपलब्धि मानिरहेको छ।

चुनौतीहरू
घरेलु खर्च कमजोर रहनु, उच्च जीवनयापन लागत र उत्पादकत्व वृद्धिमा ढिलाइ हुनु अर्थतन्त्रका दीर्घकालीन चुनौतीका रूपमा रहिरहेकाले केही दशकसम्म अर्थतन्त्र दोगुना हुन समय लाग्न सक्छ।